ETHIOPIA OO DASTUUR U SAMAYNAYSA SOOMAALIYA

Tan iyo intii uu burburay qarankii Soomaaliyeed, ayaa dib u dhiskiisu waxa ay noqotay mid ay cid waliba faraha la gasho taas oo aan oran karno lugtaaneey ninba maalin ku qaad, waayo faragelinta iyo qaska ugu weyn ee guul looga gaari waayey waxaa wadda dawladda Xabashida

Dawladda Xabashida uu dalka iyo dadka Soomaaliyeed u qabta colaad soo jireen ah, waxay maskax iyo maal fara badan ku bixisay sidii Soomaaliya ay u noqon lahayd goofaf ay iyadu ka taliso iyadoo adeegsanaysa koox damiir laawayaal ah oo gatay sharaftii, diintii iyo qiimihii dadkooda iyo dalkooda (Alla idin Dufee) .

Soomalida ugub kuma ahayn faragelinta Ethiopia ay ku hayso dalkood iyo xasuuqa ciidamada Ethiopia ay maalin walba ku sameeyaan shacabka Soomaaliyeed. Waxase maanta ugub ah in Ethiopia intay ururiso dad ay soo

magacawdeen shaqsiyaad iyada u adeega ay tiraahdo waxa aan samanayaa Dastuurkii lagu dhaqi lahaa Soomaaliya.

Akhristayaal waxa aan idinla socodsiinayaa in 23 xubnood oo Soomaali sheeganaya aya dawladda Ethiopia ay muddo ku haysey Hotel Ghion, Addisaba, si ay uga qariso indhaha caalamkana ay hadda u wareejisey magaalada Laaseret oo u dhow magaalada Addis. Shaqsiyaadkaas ayaa waxa Puntland ka masala laba xubnood oo uu magacaabay Cabdullahi Yusuuf, kuwaas oo kala ah:
1- Eng. Xasan Daahir Af-qurac oo ahaa Guddoomiye ku xigeenka 2aad ee Baarlamaanka Cabdullahi Yusuf iyo
2- Embasotor Maxamud Cumar As-hari oo Cabdullahi Yusuf u metela Golaha loo yaqaan SRRC.
Waxa isweydiin mudan dad cadawgooda u weyni uu u sameeyo dastuurkii ay ku dhami lahayeen?, Meles Zenawise ma waxa uu moodey in Soomaaliya ay tahay Kilinka 6aad ee Ethiopia.

Wargeyska Biyokulule waxa uu dhammaan shacabka Soomaaliyeed ka codsanayaa in ay soo bandhigaan magacyada shaqsiyaadka meeshaas ka masela sida aan u soo bandhignay kuwa Puntland ku masale ee kor ku qoran, kuwaas oo dhammaantood lagu dari doono Liiska Dambiilayaasha Qaran.